ბონანი:“ იუვენტუსს უფლება არ აქვს, მხოლოდ ოთხეულით დაკმაყოფილდეს“

ცნობილი იტალიელი ჟურნალისტის ალესანდრო ბონანის აზრით, იუვენტუსში ცვლილებების მიუხედავად, ტურინულმა გრანდმა ტიტულისთვის უნდა იბრძოლოს.

„იუვენტუსი გამარჯვებისთვის არის შექმნილი და არავის აქვს უფლება, გუნდის ამბიციები შეამციროს.

„ტიაგო მოტას მისვლა და უამრავი ცვლილება გუნდში გარკვეულ სირთულეებს ქმნის, მაგრამ ტიაგოს მუშაობისთვის და ამბიციური მიზნების მისაღწევად იდეალური გარემო აქვს შექმნილი, ჰყავს შესანიშნავი ფეხბურთელები და მას თავის გასამართლებელი არანაირი საბუთი არ აქვს. იუვენტუსი ოთხეულით კმაყოფილი ვერასოდეს იქნება, ეს გუნდის ისტორიას და DNA-ს ეწინააღმდეგება.“