იუვენტუსმა ძანიოლოს აგენტთან მოლაპარაკებები დაიწყო

ნიკოლო ძანიოლო იუვენტუსის ერთ-ერთ პოტენციურ სამიზნედ რჩება.

წარმატებული სეზონის შემდეგ, უდინეზე გალათასარაიდან იტალიელი ფეხბურთელის 5 მილიონ ევროდ გამოსყიდვას გეგმავს, თუმცა მასთან პირადი კონტრაქტის თაობაზე შეთანხმებას ვერ ახერხებს და არ არის გამორიცხული, იტალიელმა უდინეზე მაშინვე დატოვოს.

Tuttosport-ის ინფორმაციით, ძანიოლოს მიმართ ინტერესს იუვენტუსი, კომო და მილანი იჩენენ. უდინეზე ფეხბურთელის სანაცვლოდ 15 მილიონ ევროს ითხოვს, ტურინული გრანდი კი ამ თანხის შემცირებას ტრანსფერში ჯოვანი დაფარას, ხუან კაბალის ან ვასილიე აჯიჩის ჩართვით ეცდება.

ჩვენი გუნდის მხარდაჭერა შეგიძლია აქ.

შემოგვიერთდი ტელეგრამზე (დააკლიკე აქ).