იანვარში ზირკზეეს გაფორმება რეალური ხდება
იტალიური მედიის ცნობით, იუვენტუსი მანჩესტერ იუნაიტედი ფორვარდის ჯოშუა ზირკზეეს მიმართ ინტერესს არ კარგავს და მისი იანვარში გაფორმება სულ უფრო რეალური ხდება.
წითელი ეშმაკების რიგებში ზირკზეეს ხილვა პირადად ერიკ ტენ ჰაგს სურდა, თუმცა მანჩესტერმა ნიდერლანდელი სპეციალისტი გუნდიდან გაუშვა და თუ 23 წლის ფორვარდი აქამდეც შეზღუდულ სათამაშო დროს იღებდა, სიტუაცია მომავალში დიდი ალბათობით კიდევ უფრო გაუარესდება.
Calciomercato-ს ცნობით, კრისტიანო ჯუნტოლი ფორვარდის გასაფორმებლად იანვარში მსუყე თანხის დახარჯვას არ აპირებს, მაგრამ თუ მანჩესტერი ფეხბურთელის იჯარით გაშვებას დათანხმდება, მისი შემდგომში გამოსყიდვის პერსპექტივით, ბიანკონერი მისი გაფორმების წინააღმდეგი არ იქნება.
თავად ზირკზეე ტიაგო მოტას გუნდში გადასვლის წინააღმდეგი არ არის, ამიტომ ფეხბურთელის დარწმუნება პრობლემა არ იქნება.
