იუვე ფიორენტინას ტალანტის ტრანსფერით ინტერესდება

იუვენტუსი ახალგაზრდა იტალიელი ტალანტების ძიებას აგრძელებს და ამჯერად ბიანკონერის ინტერესი ფიორენტინას ნიკოლო ფორტინიმ დაიმსახურა.

18 წლის მცველი იუვე სტაბიას რიგებში იჯარის წესით ასპარეზობს, სადაც თავი შესანიშნავად წარმოაჩინა და არაერთი გუნდის ინტერესი დაიმსახურა.

მირკო დი ნატალეს ინფორმაციით, იუვენტუსის სკაუტები ახალგაზრდა მარცხენა მცველს უკვე დიდი ხანია აკვირდებიან. ბიანკონერის მისი გაფორმება და იუვენტუსის NextGen-ში გაშვება უნდა. ფლორენციელები ფეხბურთელის სანაცვლოდ 10 მილიონ ევროს ითხოვენ.