ტრეზეგე:“ ვლაჰოვიჩს დიდი პოტენციალი აქვს, მაგრამ მას ბევრი მუშაობა მოუწევს“

იუვენტუსის ლეგენდარულმა ფეხბურთელმა დავიდ ტრეზეგემ მილანში გამართულ სპორტულ ივენთზე საინტერესო თემებზე ისაუბრა.

„დარჩება თუ არა რაბიო ? არ ვიცი, ჩვენ მეგობრები არ ვართ, ის სხვა გენერაციის წარმომადგენელია. მისი გადაწყვეტილება როგორც თავად ადრიენისთვის, ასევე იუვენტუსისთვის ძალიან მნიშვნელოვანია.

„მოტა ? ის საინტერესო არჩევანია. ტიაგოს ფეხბურთელის ამპლუაში დიდ გუნდებში უმუშავია, მან კარგად იცის, თუ რა წნეხი ახლავს დიდ გუნდში მუშაობას, მაგრამ როდესაც იუვენტუსის წინადადებას იღებ, მასზე უარის თქმა რთულია. მას ჩემპიონთა ლიგასა და საკლუბო მსოფლიო ჩემპიონატზე ექნება თავის გამოჩენის საშუალება და მოტამ თავიის ხარისხი უნდა დაამტკიცოს. ვფიქრობ, იუვენტუსმა სწორი გადაწყვეტილება მიიღო.

„ვლაჰოვიჩი ? დუშანმა თავადვე იცის, რომ მისგან გაცილებით მეტს ელოდებიან. ვლაჰოვიჩს აქვს ყველაფერი, რომ თავის პოზიციაზე ერთ-ერთი საუკეთესო ფეხბურთელი და იუვენტუსის მნიშვნელოვანი წევრი გახდეს, თუმცა თავისი პოტენციალის გამოსავლენად ბევრი მუშაობა მოუწევს.

„კონტე ნაპოლიში ? ეს ძალიან მნიშვნელოვანი ცვლილებაა. ნაპოლის მომდევნო სეზონში მხოლოდ სერია ა-ზე შეეძლება კონცენტრაციის გაკეთება, კონტეს მენტალიტეტი კი ყველამ კარგად ვიცით და დარწმუნებული ვარ, პარტენოპეი მაღალი მიზნებისთვის იბრძოლებს.“