ტონალის სერია ა-ში დაბრუნება უნდა
ბრიტანული წყაროების ცნობით, სანდრო ტონალის იტალიაში დაბრუნება უნდა და ამის ერთ-ერთი მთავარი მიზეზი მისი მეგობარი გოგონა ჯულიეტ პასტორე გახლავთ.
პასტორე მოდის სფეროში მუშაობს, მას ხშირად იტალიაში უწევს ყოფნა და CaughtOffside-ს ინფორმაციით, ეს შესაძლოა ტონალის სერია ა-ში დაბრუნებისთვის ერთ-ერთი უმნიშვნელოვანესი ფაქტორი აღმოჩნდეს.
წყაროს ცნობით, ამ მომენტისთვის სერია ა-ში ტონალის გაფორმების ყველაზე დიდი შანსი სწორედ იუვენტუსს აქვს, რომელიც ნიუკასლისთვის ფულთან ერთად დუგლას ლუისის ან დუშან ვლაჰოვიჩის შეთავაზებას გეგმავს.
