კამბიაზო პსვ-სთან მატჩსაც გამოტოვებს

კომოსთან გამარჯვების შემდეგ, იუვენტუსი ჩემპიონთა ლიგის პლეი-ოფის პირველი მატჩისთვის მზადებას შეუდგა.

ტურინული გრანდი პსვ-ს Allianz Stadium-ზე უმასპინძლებს, განმეორებითი მატჩი კი ნიდერლანდებში 19 თებერვალს გაიმართება.

Gazzetta dello Sport-ის ინფორმაციით, იუვენტუსს ანდრეა კამბიაზო ვერც ამჯერად დაეხმარება. იტალიელ ფეხბურთელს კოჭის ტკივილი კვლავ აწუხებს, ამიტომ სამედიცინო შტაბს რისკზე წასვლა არ სურს და ის ტიაგო მოტას განკარგულებაში სავარაუდოდ ინტერთან მატჩში დაბრუნდება.