იუვენტუსს რობერტო მანჩინიც დაუკავშირეს

იტალიურ მედიაში ტიაგო მოტას პოტენციური შემცვლელების თაობაზე საუბრები არ წყდება.

Tuttomercato-ს ინფორმაციით, კრისტიანო ჯუნტოლის სიას იტალიის ნაკრების ყოფილი მთავარი მწვრთნელი რობერტო მანჩინიც შეუერთდა, ვინც უგუნდოდ არის და იუვენტუსის ჩაბარება დაუყოვნებლივ შეუძლია.

მანჩინის გარდა, იუვენტუსს გასულ დღეებში სტეფანო პიოლი, რობერტო დე ძერბი, ჯან პიერო გასპერინი და ანტონიო კონტე დაუკავშირეს.