იუვე ტომორის სიტუაციას აკვირდება
იუვენტუსი ცენტრალური მცველის ძიებას აგრძელებს და ტურინული გრანდის ერთ-ერთი სამიზნე მილანის ფიკაიო ტომორი გახლავთ.
მილანის რიგებში პაულო ფონსეკას მისვლის შემდეგ, ტომორიმ ძირითად შემადგენლობაში ადგილი დაკარგა, რითიც ფეხბურთელი უკმაყოფილოა და დიდია ალბათობა, მან იანვარში გუნდი დატოვოს.
Tuttomercato-ს ცნობით, იუვენტუსი ტომორის 6-თვიანი იჯარით გაფორმებას განიხილავს, მისი შემდგომში გამოსყიდვის პერსპექტივით.
ტომორის როგორც ცენტრში, ასევე დაცვის მარჯვენა ფლანგზე შეუძლია თამაში, რაც მას იუვენტუსისთვის იდეალურ კანდიდატად აქცევს.
