იუვე გერმანელი ფორვარდის ტრანსფერით ინტერესდება

იუვენტუსი ვიცე-ვლაჰოვიჩის ძიებას აქტიურად აგრძელებს და იტალიელი ჟურნალისტის მატეო მორეტოს ინფორმაციით, კრისტიანო ჯუნტოლის ერთ-ერთი პრიორიტეტული სამიზნე ჰოფენჰაიმის შემტევი მაქსიმილიან ბეიერი გახლავთ.

21 წლის ტალანტმა გასულ სეზონში ბუნდესლიგაში ჩატარებულ 33 მატჩში 16 გოლი გაიტანა და 3 საგოლე გადაცემა გააკეთა, რითიც არაერთი გრანდის ინტერესი დაიმსახურა.

წყაროს ცნობით, გერმანელები ახალგაზრდა ფეხბურთელის სანაცვლოდ დაახლოებით 25-30 მილიონ ევროს ითხოვენ.