იუვე ფიორენტინას იტალიელი ტალანტით ინტერესდება

იტალიური მედიის ცნობით, იუვენტუსი ფიორენტინას ახალგაზრდა მცველის პიეტრო კომუცოს ტრანსფერით ინტერესდება.

19 წლის იტალიელი ფლორენციული გუნდის რიგებში შესანიშნავ სეზონს ატარებს, რითიც არაერთი გუნდის, მათ შორის იუვენტუსის ინტერესი დაიმსახურა.

SportMediaset-ის ცნობით, ბიანკონერი კომუცოს გაფორმებას ზაფხულის სატრანსფერო ფანჯრის პერიოდში ეცდება. მისი ფასი დაახლოებით 20 მილიონი ევროა.