იუვე დანილოს გამოყენებას რასპადორის ტრანსფერში ეცდება

Corriere dello Sport-ის ცნობით, ნაპოლის ინტერესი იუვენტუსის მცველის დანილოს მიმართ სერიოზულია.

წყაროს ინფორმაციით, ბრაზილიელი ფეხბურთელის გუნდში ხილვა პირადად ანტონიო კონტეს სურს და პარტენოპეის რიგებში თამაშის წინააღმდეგი არც თავად დანილო გახლავთ.

გამოცემის ცნობით, იუვენტუსი დანილოს გაშვებას არ აპირებს, თუმცა თუ ნაპოლი ბრაზილიელის ტრანსფერში ჯაკომო რასპადორის ჩართვას დათანხმდება, ბიანკონერი მოლაპარაკებებზე უარს არ იტყვის.