იუვე და ჩელსი ვლაჰოვიჩი-ვეიგას ბარტერს განიხილავენ

Gazzetta dello Sport-ის ინფორმაციით, იუვენტუსი და ჩელსი დუშან ვლაჰოვიჩისა და რენატუ ვეიგას გაცვლას განიხილავენ.

წყაროს ცნობით, ლონდონელები ამ ბარტერს იუვენტუსს ჯერ კიდევ იანვარში სთავაზობდნენ, თუმცა შეტევაში არსებული პრობლემების გამო მაშინ ტურინულმა გრანდმა უარი თქვა.

შეგახსენებთ, ვეიგა იუვენტუსში მშრალი იჯარის წესით იმყოფება, თუმცა ჩელსი მისი გაყიდვის წინააღმდეგი არ არის, თუ ტურინული გრანდი 20-25 მილიონს გადაიხდის. ვლაჰოვიჩის ჩართვის შემთხვევაში ლონდონელებს დაახლოებით 15 მილიონის დამატება მოუწევთ.