ილდისს 3-მატჩიანი დისკვალიფიკაცია ემუქრება
კენან ილდისს მონცასთან მატჩში მომხდარი ინციდენტის გამო 3-მატჩიანი დისკვალიფიკაცია ემუქრება.
იტალიის ფეხბურთის ფედერაციის 38-ე არტიკლის მიხედვით, მეტოქის მიმართ განზრახ უხეშობა 3-მატჩიანი დისკვალიფიკაციით ისჯება.
საბოლოო გადაწყვეტილებას სპორტული მოსამართლე მიიღებს და თუ თურქ ფეხბურთელს 3-მატჩიანი დისკვალიფიკაცია მიესაჯა, იუვენტუსი სავარაუდოდ ამ გადაწყვეტილებას გაასაჩივრებს.
შეგახსენებთ, იუვენტუსი მომდევნო ტურებში ბოლონიასა და ლაციოს ესტუმრება, შემდეგ კი უდინეზეს უმასპინძლებს.
