ძენგა:“ იუვემ კიეზა უნდა შეინარჩუნოს, შესნის გაშვება უცნაური გადაწყვეტილებაა“

ლეგენდარულმა ფეხბურთელმა ვალტერ ძენგამ იუვენტუსის სატრანსფერო საქმიანობა შეაფასა.

„ფეხბურთელები, რომლებსაც იუვენტუსს უკავშრებენ, გუნდს საგრძნობლად გააძლიერებენ. ტურინელებს ნახევარდაცვაში გასულ სეზონში პრობლემები ჰქონდათ, რაც დიდწილად ფაჯოლისა და პოგბას დაკარგვით იყო გამოწვეული.

„კიეზა ? ვფიქრობ, იუვენტუსმა ის უნდა შეინარჩუნოს. ფედერიკო უმაღლესი დონის ფეხბურთელია, რომელსაც სხვაობის შექმნა ნებისმიერი მეტოქის წინააღმდეგ შეუძლია.

„დი გრეგორიო ? ის შესანიშნავი კიპერია, თუმცა მე ვერ ვხვდები, რატომ უშვებს ასე მარტივად იუვენტუსი შესნის, რომელიც თავის პოზიციაზე ერთ-ერთი საუკეთესოა.“