იუვე ვეიგას შენარჩუნებას ეცდება
იუვენტუსის ახალწვეულმა რენატუ ვეიგამ ქომაგებისა და გუნდის ხელმძღვანელობის გული უმოკლეს დროში მოიგო და ბიანკონერი მის შენარჩუნებას ეცდება.
21 წლის ფეხბურთელი იუვენტუსს 6-თვიანი იჯარით იანვარში შეუერთდა და პიერ კალულუს ტრავმის გამო მას დაუყოვნებლივ ძირითად შემადგენლობაში თამაში მოუწია, თუმცა ვეიგამ საქმეს თავი შესანიშნავად გაართვა და როგორც გუნდის ხელმძღვანელობის, ასევე ქომაგების სიმპათია დაიმსახურა.
ვეიგა იუვენტუსში მშრალი იჯარის წესით იმყოფება, თუმცა Calciomercato-ს ცნობით, კრისტიანო ჯუნტოლი უახლოეს პერიოდში ჩელსისთან შეხვედრასა და ვეიგას კონტრაქტში გამოსასყიდი პუნქტის ჩამატებას ეცდება.
