იუვე ჰანცკოს იანვარშივე გაფორმების იმედს არ კარგავს
იუვენტუსი ბარსელონადან რონალდ არაუხოს ტრანსფერთან ახლოს არის, თუმცა კრისტიანო ჯუნტოლის მიმდინარე სატრანსფერო ფანჯრის პერიოდში კიდევ ერთი მცველის გაფორმება აქვს გადაწყვეტილი.
ნიკოლო სკირას ინფორმაციით, ტურინული გრანდის პრიორიტეტულ სამიზნედ რჩება ფეიენორდის სლოვაკი ფეხბურთელი დავიდ ჰანცკო.
წყაროს ცნობით, იუვენტუსს იმედი აქვს, რომ სატრანსფერო ფანჯრის მიწურულს ნიდერლანდელების დაყოლიებას და სლოვაკი მცველის გაფორმებას შეძლებს.
ბიანკონერის ჰანცკოსთან პირადი კონტრაქტის დეტალები უკვე შეთანხმებული აქვს და თუ არა იანვარში, ის გუნდს დიდი ალბათობით სეზონის ბოლოს შეუერთდება.
