ბერგომი:“ დელ პიერო ფედერაციის პრეზიდენტად ? ის იდეალური კანდიდატია“

ინტერის და იტალიური ფეხბურთის ლეგენდამ ბეპე ბერგომიმ იტალიის ფეხბურთის ფედერაციის პრეზიდენტად ალექს დელ პიეროს შესაძლო მისვლის თაობაზე კომენტარი გააკეთა.

„ალექსს კარგად ვიცნობ, ვიცი მისი აზრები და მისი საფეხბურთ ხედვა, ის ძალიან ორგანიზებული ადამიანია. თუ დელ პიერომ ფედერაციის პრეზიდენტის პოსტი ჩაიბარა, ეს ძალიან კარგი იქნება, რადგან ალექსს აქვს ხასიათი, მუშაობის კულტურა და ცოდნა იმისთვის, რომ ამ უმნიშვნლეოვანეს მოვალეობას თავი გაართვას.“

შეგახსენებთ, იტალიის ფეხბურთის ფედერაციის პრეზიდენტის არჩევნები 2025 წლის თებერვალშია ჩანიშნული. თუ დელ პიერომ მონაწილეობის მიღება გადაწყვიტა, მისი მთავარი კონკურენტი მოქმედი პრეზიდენტი გაბრიელე გრავინა იქნება.