გონსალესი და ლუისი გუნდს ვერც ასტონ ვილასთან მატჩში დაეხმარებიან

მილანთან უსახური მატჩის შემდეგ, იუვენტუსი ასტონ ვილასთან მოახლოებული შეხვედრისთვის მზადებას შეუდგა და ტიაგო მოტას ამჯერადაც ტრავმების თანხლებით მოუწევს ფონს გასვლა.

Sky Sport-ის ინფორმაციით, გუნდს ჩემპიონთა ლიგაზე დუგლას ლუისი და ნიკო გონსალესი ვერ დაეხმარებიან. ბრაზილიელის დაბრუნება მომდევნო კვირაში იგეგმება, ხოლო არგენტინელი სავარაუდოდ დეკემბრის დასაწყისში შეძლებს თამაშს.

რაც შეეხება დუშან ვლაჰოვიჩს, სერბი ფორვარდი დიდი ალბათობით ჩემპიონთა ლიგის მატჩის განაცხადში იქნება.