ევერტონის ფორვარდი ჯუნტოლის სატრანსფერო სიაში
იუვენტუსი ცენტრ-ფორვარდის ძიებას აგრძელებს და იტალიური მედიის ცნობით, ბიანკონერის ერთ-ერთი სამიზნე ევერტონის შემტევი დომინიკ კალვერტ-ლეუინია.
27 წლის ფორვარდს ევერტონთან მიმდინარე კონტრაქტი სეზონის ბოლოს ეწურება, ამიტომ ტურინულ გრანდს მისი გაფორმება იანვარში საკმაოდ ხელსაყრელ ფასად შეეძლება.
Corriere dello Sport-ის ცნობით, ევერტონი იანვარში ინგლისელ ფორვარდს დაახლოებით 15 მილიონად შეელევა.