დიბალამ არაბეთში გადასვლაზე თანხმობა განაცხადა, რომა კიეზას გაფორმებას ეცდება

Tuttomercato-ს ინფორმაციით, რომას ფორვარდმა პაულო დიბალამ არაბული ალ-ქადსიას რიგებში თამაშზე თანხმობა განაცხადა.

არაბული გუნდი არგენტინელი ფეხბურთელის კონტრაქტში არსებულ გამოსასყიდ პუნქტს გაააქტიურებს და 12 მილიონ ევროს გადაიხდის, თავად დიბალა გუნდთან 3-წლიან კონტრაქტს გააფორმებს და სეზონში გასამრჯელოს სახით 30 მილიონ ევროს მიიღებს.

დიბალას წასვლის შემდეგ, რომა იუვენტუსიდან ფედერიკო კიეზას გაფორმებას ეცდება, ვისი გუნდში ხილვაც პირადად დანიელე დე როსის სურს.