აჯიჩი შესაძლოა იუვენტუსის ძირითად გუნდში დარჩეს
იტალიური წყაროების ცნობით, იუვენტუსის ახალწვეული ვასილიე აჯიჩი შესაძლოა მომდევნო სეზონში ბიანკონერის ძირითადი გუნდის წევრი იყოს.
18 წლის ტალანტი იუვენტუსს რამდენიმე კვირის წინ შეუერთდა და Tuttosport-ის ინფორმაციით, მონტენეგროელმა ფეხბურთელმა ტიაგო მოტაზე შესანიშნავი შთაბეჭდილება მოახდინა, ამიტომ ბიანკონერის თავკაცი მის ძირითად გუნდში დატოვებას განიხილავს.
წყაროს ცნობით, აჯიჩი დიდი ალბათობით მომდევნო სეზონში როგორც იუვენტუსის ძირითად გუნდში, ასევე NextGen-ის რიგებში სტაბილურ სათამაშო დროს მიიღებს.
