ლივერპული ბრემერის ტრანსფერით ინტერესდება

იტალიური მედიის ცნობით, ლივერპული იუვენტუსის მცველის გლეისონ ბრემერის ტრანსფერით ინტერესდება.

Tuttomercato-ს ინფორმაციით, სქაუზერები დაცვის ცენტრის გაძლიერებას გეგმავენ და ბრაზილიელი ფეხბურთელი მათი ერთ-ერთი მთავარი სამიზნე გახლავთ.

წყაროს ცნობით, ბრემერის გაყიდვა იუვენტუსის გეგმებში არ შედის, თუმცა თუ მის სანაცვლოდ რომელიმე დაინტერესებული გუნდი 75-80 მილიონს გადაიხდის, ბიანკონერი მისი გაშვების წინააღმდეგი არ იქნება.