იუვე და უდინეზე გონსალესის ტრანსფერზე შეთანხმდნენ

იუვენტუსი და უდინეზე ფაკუნდო გონსალესის ტრანსფერის დეტალებზე შეთანხმდნენ.

Tuttosport-ის ცნობით, ახალგაზრდა მცველი უდინეზეს 1-წლიანი იჯარით შეუერთდება, მისი შემდგომში 7 მილიონი ევროს სანაცვლოდ გამოსყიდვის პერსპექტივით.

წყაროს ცნობით, გონსალესის კონტრაქტში ჩაიდება პუნქტი, რომლის მიხედვითაც იუვენტუსს ფეხბურთელის დაბრუნება 9-10 მილიონი ევროს სანაცვლოდ შეეძლება.