ვლაჰოვიჩი:“ ჩვენ იუვენტუსი ვართ, რაც უმაღლესი მიზნებისთვის ბრძოლას გვავალდებულებს“

იუვენტუსის ფორვარდმა დუშან ვლაჰოვიჩმა Sky Sport-თან საინტერესო თემებზე ისაუბრა.

„მე სეზონს დასვენებული და ძალიან მოტივირებული ვხვდები. გუნდში ბევრი ცვლილება მოხდა და ადაპტაციისთვის ჩვენ გარკვეული დრო დაგვჭირდება, თუმცა ვიცით, რომ ბევრი დრო არ გვაქვს და სეზონი პოზიტიურად უნდა დავიწყოთ.

„თითოეული ჩვენგანი ძალიან მოტივირებულია და გვსურს, მწვრთნელის თითოეული დავალება ზედმიწევნით კარგად შევასრულოთ. სეზონისთვის მოსამზადებელი პერიოდი რთული იყო, გუნდმა ბევრი იმუშავა და იმედი გვაქვს 19 აგვისტოს მატჩს მაქსიმალურად კარგ ფორმაში შევხვდებით.

„წინ ძალიან საინტერესო და დაძაბული სეზონი გველოდება, სერია ა-ს ბევრი ძლიერი გუნდი ჰყავს, თუმცა ჩვენ საკუთარ თავებს ლიმიტს არ ვუწესებთ და მაქსიმალურად მაღალი მიზნებისთვის ვიბრძოლებთ. ჩვენ იუვენტუსი ვართ, რაც იმას ნიშნავს, რომ ამბიციურები ვართ.“