სიტი კამბიაზოს გაფორმებას საკლუბო მუნდიალის დაწყებამდე ეცდება
ბრიტანული გამოცემა GIVEMESPORT-ის ინფორმაციით, მანჩესტერ სიტი ანდრეა კამბიაზოს ტრანსფერზე მუშაობას აგრძელებს და მის გაფორმებას საკლუბო მუნდიალის დაწყებამდე ეცდება.
მსოფლიო საკლუბო ჩემპიონატის გამო დამატებითი სატრანსფერო ფანჯარა 1-დან 10 ივნისამდე გაიხსნება და წყაროს ცნობით, ქალაქელები იტალიელის გაფორმებას სწორედ ამ პერიოდში ეცდებიან.
სიტის გარდა, კამბიაზოს ტრანსფერზე მუშაობა ლივერპულმაც დაიწყო. სქაუზერები ტრენტ ალექსანრ-არნოლდის შემცვლელის ძიებაში არიან და კამბიაზო მათი ერთ-ერთი პრიორიტეტია.
