შკრინიარმა არაბები უარით გაისტუმრა და იტალიაში დაბრუნება სურს

ფრანგული გამოცემა L’Equipe-ს ინფორმაციით, მილან შკრინიარმა არაბული გუნდები უარით გაისტუმრა.

სლოვაკი ფეხბურთელი პარიზული გუნდის გეგმებში აღარ შედის, ამიტომ ის პსჟ-ს იანვარში დატოვებს.

წყაროს ცნობით, შკრინიარს არაბულ ჩემპიონატებში მსურველები მრავლად ჰყავდა, თუმცა თავად ფეხბურთელის პრიორიტეტი იტალიაში დაბრუნებაა, სადაც მისი ტრანსფერით იუვენტუსი ინტერესდება.

პრობლემა პსჟ-ს მიერ მოთხოვნილი 15-20 მილიონია, რის გადახდასაც იუვენტუსი არ აპირებს და მის გაფორმებას იჯარით გეგმავს. ტურინულ გრანდს კონკურენციას თურქული გალათასარაი გაუწევს.