კომოლი დევიდის აგენტთან შეხვედრისთვის ემზადება

დამიენ კომოლი იუვენტუსში მუშაობას აქტიურად შეუდგა და მისი ერთ-ერთი მთავარი საზრუნავი გუნდის შეტევის გაძლიერება იქნება.

Gazzetta dello Sport-ის ცნობით, ფრანგი სპეციალისტი უახლოეს დღეებში ჯონათან დევიდის აგენტთან შეხვედრასა და პირადი კონტრაქტის დეტალებზე შეთანხმებას გეგმავს.

გამოცემის ინფორმაციით, იუვენტუსი დევიდს 5-წლიან კონტრაქტს სთავაზობს, რომლის მიხედვითაც მისი გასამრჯელო 6 მილიონი ევრო იქნება, რასაც ბონუსების სახით კიდევ 2 მილიონი დაემატება.