კაპელო:“ იტალია – ესპანეთი ნამდვილი კლასიკაა, წინ შესანიშნავი მატჩი გველოდება“
ლეგენდარულმა იტალიელმა სპეციალისტმა ფაბიო კაპელომ ევროპის ჩემპიონატზე იტალიასა და ესპანეთს შორის მოახლოებულ მატჩზე ისაუბრა.
„იტალია – ესპანეთის დაპირისპირება კლასიკაა, დაუსრულებელი დუელი ორ შესანიშნავ ნაკრებს შორის.
„წინ შესანიშნავი მატჩი გველოდება, ლუჩიანო სპალეტიმ გუნდს თავისი სტილი შესძინა, ესპანეთი კი ტიკი-ტაკას, რომელსაც მათ გასულ წლებში მიგვაჩვიეს, აღარ თამაშობს და უფრო ვერტიკალური გახდა.
„ესპანეთი არის ნაკრები, რომელთანაც ყოველთვის მძიმე ბრძლა გელოდება. მათ აქვთ ხარისხი, ფეხბურთელები როგორც შესანიშნავი ფიზიკური, ასევე ტექნიკური მახასიათებლებით, იციან როგორ გასცდნენ მეტოქეს და შეიქმნან სივრცე, ამიტომ ჩვენი გუნდი მაქსიმალურად კომპაქტური უნდა იყოს.
„ამ თამაშში კიეზასა და დიმარკოზე ბევრი რამ იქნება დამოკიდებულ. სწორედ ისინი არიან ფეხბურთელები, რომლებიც გუნდს კრეატიულობას სძენენ და სივრცეების ათვისება იდეალურად გამოსდით.
„იმედი უნდა ვიქონიოთ, რომ ეს სკამაკას დღე იქნება. მან დაამტკიცა, რომ დიდ სცენაზე თავის გამოჩენა შეუძლია, ჩვენ ეს ლივერპულთან და მარსელთან შეხვედრებში ვნახეთ, თუმცა ჯანლუკა უფრო სტაბილური უნდა გახდეს.“
