ჯენოასთან მატჩში ლუისი სასტარტო შემადგენლობაში იქნება

ემპოლისთან არც თუ ისე კარგი მატჩის შემდეგ, დუგლას ლუისს თავის გამოჩენის კიდევ ერთი შანსი მიეცემა.

SportItalia-ს ინფორმაციით, მოსალოდნელია, რომ ტიაგო მოტა ბრაზილიელ ნახევარმცველს ჯენოასთან მატჩში სასტარტო შემადგენლობაში დააყენებს.

გამოცემის ცნობით, ბრაზილიელი ფეხბურთელი ტურინულ გრანდში არც თუ ისე კარგ ფიზიკურ კონდიციებში მივიდა, რის გამოც მისი სათამაშო დრო შეზღუდული იყო, თუმცა ლუისი ნელ-ნელა ფორმაში შედის და სავარაუდოდ მომდევნო შეხვედრაში ის ძირითად შემადგენლობაში იქნება.