ოფიციალურად: იუვენტუსმა პიეტრელი გამოისყიდა

იუვენტუსმა ფერალპიზალოს ახალგაზრდა ტალანტი ალესანდრო პიეტრელი ოფიციალურად გამოისყიდა.

22 წლის ვინგერი იუვენტუსის NextGen-ის რიგებს იანვარში შეუერთდა, 21 მატჩი ჩაატარა, 5 გოლი გაიტანა და 4 საგოლე გადაცემა გააკეთა.

ნიკოლო სკირას ცნობით, იუვენტუსმა იტალიელი ფეხბურთელი 1.7 მილიონი ევროს სანაცვლოდ გამოისყიდა და არის დიდი ალბათობა, რომ ის ძირითად გუნდთან ერთად მსოფლიო საკლუბო ჩემპიონატზე გაემგზავროს.