იუვე ალბანელი მცველის ტრანსფერზე მუშაობას შეუდგა

იუვენტუსის რიგები ალექს სანდრომ ოფიციალურად დატოვა და გუნდი მატია დე შილიოს გაშვებასაც გეგმავს, ამიტომ კრისტიანო ჯუნტოლის მიმდინარე სატრანსფერო ფანჯრის პერიოდში მინიმუმ ერთი მარცხენა მცველის გაფორმება მოუწევს.

Tuttosport-ის ინფორმაციით, ბიანკონერის ერთ-ერთი მთავარი სამიზნე მოსკოვის ლოკომოტივის ალბანელი ფეხბურთელი მარიო მიტაი გახლავთ.

წყაროს ცნობით, რუსები 20 წლის ფეხბურთელის სანაცვლოდ, რომელსაც თამაში როგორც ფლანგზე, ასევე ცენტრალურ ზონაში შეუძლია, 12 მილიონ ევროს ითხოვენ.