ჩელსის ვინგერი იუვენტუსის სატრანსფერო სიაში

იუვენტუსი ფედერიკო კიეზას პოტენციური შემცვლელების ძებნას აგრძელებს და Gazzetta dello Sport-ის ცნობით, კრისტიანო ჯუნტოლის სასურველი ფეხბურთელების სიას ამჯერად ჩელსის ტალანტი ნონი მადუეკე შეემატა.

22 წლის ფეხბურთელი ლონდონურ გუნდში სათამაშო დროის ნაკლებობის გამო უკმაყოფილოა, ამიტომ ზაფხულის სატრანსფერო ფანჯრის პერიოდში გუნდის დატოვების წინააღმდეგი არ იქნება.

წყაროს ცნობით, ტურინულ გრანდს ინგლისელი ფეხბურთელის გაფორმება დაახლოებით 30 მილიონი ევრო დაუჯდება.