იუვე ბენევენტოს იტალიელი ტალანტით ინტერესდება

ცნობილი იტალიელი ჟურნალისტის ნიკოლო სკირას ინფორმაციით, იუვენტუსი ბენევენტოს კარის დარაჯის ალესანდრო ნუნციანტეს ტრანსფერით ინტერესდება.

18 წლის კარის დარაჯი იტალიაში ერთ-ერთ გამორჩეულ ტალანტად მოიაზრება და მის მიმართ ინტერესს იუვენტუსთან ერთად არაერთი ევროული გრანდი იჩენს.

ბენევენტო იტალიელი კიპერის სანაცვლოდ 3-4 მილიონს ითხოვს, იუვენტუსი მის გაფორმებას და NextGen-ის რიგებში გაშვებას გეგმავს.