იუვე ჟირონას მცველით ინტერესდება

იუვენტუსი ჟირონას მარცხენა მცველის მიგელ გუტიერესის ტრანსფერით ინტერესდება.

მირკო დი ნატალეს ინფორმაციით, 23 წლის ფეხბურთელი, ვინც ლა ლიგას ერთ-ერთ საუკეთესო მარცხენა მცველად მოიაზრება, ანდრეა კამბიაზოს ერთ-ერთი პოტენციური შემცვლელია.

ჟირონა ახალგაზრდა ფეხბურთელის სანაცვლოდ, ვის აქტივშიც მიმდინარე სეზონში 2 გოლი და 5 საგოლე გადაცემაა, 30 მილიონს ითხოვს, რისი გადახდაც კამბიაზოს გაყიდვის შემთხვევაში პრობლემა არ იქნება. არ არის გამორიცხული, იუვენტუსმა ტრანსფერში არტურ მელოს ჩართვა სცადოს, ვინც ახლა იჯარის წესით ჟირონაში თამაშობს.