კიდევ ერთი ქართველი ტალანტი იუვენტუსის რადარზე…
საბა ხარებაშვილის შემდეგ (დეტალები იხილეთ აქ), იუვენტუსი კიდევ ერთი ქართველი ტალანტის ტრანსფერით ინტერესდება.
ნიკოლო სკირას ცნობით, ამჯერად ტურინული გრანდის ინტერესი კოლხეთის ფეხბურთელმა ანდრია ბარტიშვილმა დაიმსახურა, ვისაც ხშირად ახალ კვარასაც უწოდებენ.
იუვენტუსის სკაუტები ორივე ფეხბურთელის მატჩებს აკვირდებიან და დიდია ალბათობა, ზაფხულში ტურინული გრანდის რიგებში ქართველი ფეხბურთელი ვიხილოთ.
