იუვე მბანგულას გაყიდვაზე უარს არ იტყვის

Gazzetta dello Sport-ის ინფორმაციით, სეზონის ბოლოს იუვენტუსი სამუელ მბანგულას გაყიდვის წინააღმდეგი არ იქნება.

ბელგიელმა ტალანტმა მიღებული სათამაშო დრო კარგად გამოიყენა და თავი შესანიშნავად წარმოაჩინა, თუმცა ის ტურინული გრანდის ძირითადი შემადგენლობის ფეხბურთელად არ მოიაზრება, ამიტომ ბიანკონერი მბანგულას სანაცვლოდ მიღებული წინადადებების განხილვაზე უარს არ იტყვის.

წყაროს ცნობით, თუ რომელიმე დაინტერესებული მხარე მის სანაცვლოდ 15 მილიონს გადაიხდის, მბანგულა იუვენტუსს დატოვებს.