სიტი კამბიაზოს მიმართ ინტერესს არ კარგავს

ცნობილი იტალიელი ჟურნალისტის ფაბრიციო რომანოს ინფორმაციით, მანჩესტერ სიტი იუვენტუსის უკანახაზელის ანდრეა კამბიაზოს მიმართ ინტერესს არ კარგავს.

ქალაქელები იტალიელი ფეხბურთელის გაფორმებას იანვარში ცდილობდნენ, თუმცა მაშინ გუნდებს შორის საერთო ენის გამონახვა ვერ მოხერხდა.

წყაროს ცნობით, ინგლისელები კამბიაზოს გაფორმებაზე მუშაობას სეზონის ბოლოს განაახლებენ.