სპალეტი:“ სამუშაო ბევრი გვაქვს, მაგრამ მომდევნო ეტაპზე დამსახურებულად გავედით“
იტალიის ნაკრების მთავარმა მწვრთნელმა ლუჩიანო სპალეტიმ ხორვატიასთან მატჩი შეაფასა.
„როდესაც მატჩი ასეთი სცენარით ვითარდება, სასურველი შედეგის მიღწევა კიდევ უფრო ემოციური ხდება. ალბათ აღარავის ეგონა, რომ იტალია ამ მატჩში ქულას მოიპოვებდა, თუმცა ფეხბურთელებმა ბოლო წამამდე იბრძოლეს და მომდევნო ეტაპზე დამსახუებულად გავიდნენ.
„მინდა ბიჭებს მივულოცო, რადგან ასეთი წნეხის ქვეშ სიმშვიდის შენარჩუნება და თამაშის გაგრძელება მარტივი არ არის.
„ცუდი პირველი ტაიმი ? ამას ვერ ვუარყოფ. ჩვენ პირველ ნახევარში იმ დონის თამაში ვერ ვაჩვენეთ, როგორიც გვსურდა, მაგრამ მეორე ტაიმში თამაში საგრძნობლად გამოვასწორეთ. ჩვენ დღეს გარკვეული პოზიტივი ვნახეთ, თუმცა გუნდის სრული პოტენციალის გამოსავლენად ბევრი მუშაობა დაგვჭირდება.
„ხორვატია ძალიან ძლიერი და გამოცდილი გუნდია, რომელსაც პრობლემების შექმნა ნებისმიერი მეტოქისთვის შეუძლია.
„ხარისხის ნაკლებობა ? ჩვენ გუნდში ხარისხი საკმარისად გვაქვს, მაგრამ ზოგჯერ ძალიან ბანალურ შეცდომებს ვუშვებთ, ბურთს ვკარგავთ და მეტოქეს კონტრ-შეტევების საშუალებას ვაძლევთ.“
