მილანი ვლაჰოვიჩის ტრანსფერით ინტერესდება

იტალიელი ჟურნალისტის სებასტიანო სარნოს ინფორმაციით, მილანი იუვენტუსის ფორვარდის დუშან ვლაჰოვიჩის ტრანსფერით ინტერესდება.

წყაროს ცნობით, ლომბარდიული გრანდი სერბი ფორვარდის გაფორმებას მიმდინარე სეზონის ბოლოს ეცდება.

ვლაჰოვიჩის კონტრაქტის სიტუაციის გათვალისწინებით, იუვენტუსს სეზონის ბოლოს დიდი ალბათობით დუშანის გაყიდვა მოუწევს. წყაროს ცნობით, სერბს სერია ა-ში დარჩენა უნდა და მილანში გადასვლის წინააღმდეგი არ იქნება.