კოლო მუანიმ იუვენტუსში ტრანსფერს მწვანე შუქი აუნთო

Tuttosport-ის ინფორმაციით, კოლო მუანი კარიერის იუვენტუსში გაგრძელების წინააღმდეგი არ არის.

წყაროს ცნობით, ტურინულ გრანდსა და ფრანგ ფეხბურთელს შორის სიტყვიერი შეთანხმება უკვე არსებობს და ახლა საერთო ენის გამონახვას უშუალოდ გუნდები ცდილობენ.

პარიზელები კოლო მუანის იჯარით გაშვების წინააღმდეგები არ არიან, მისი სეზონის ბოლოს 55-60 მილიონ ევროდ გამოსყიდვის პერსპექტივით.

იუვენტუსის მთავარი კონკურენტი ამ მომენტისთვის ტოტენჰემია, თუმცა ფეხბურთელს ბიანკონერის რიგებში თამაში სურს.