იუვე ანტონიო სილვას ტრანსფერზე მუშაობას აგრძელებს

პორტუგალიური წყაროების ცნობით, იუვენტუსი ბენფიკას ტალანტის ანტონიო სილვას ტრანსფერზე მუშაობას აგრძელებს.

გამოცემა Record-ის ცნობით, ტურინულ გრანდსა და ფეხბურთელს შორის პირადი კონტრაქტის დეტალები უკვე შეთანხმებულია და ახლა პორტუგალიელი ტალანტის აგენტი ჟორჟე მენდეში ბენფიკასგან თანხმობის მიღებას ცდილობს.

იუვე 21 წლის ფეხბურთელის 6-თვიანი იჯარით გაფორმებას ცდილობს, მისი შემდგომში 30-35 მილიონად გამოსყიდვის პერსპექტივით, რაც გარკვეული პუნქტების შესრულების შემთხვევაში სავალდებულო გახდება.