იუვენტუსმა ზირკზეესთან შეთანხმებას უკვე მიაღწია

იტალიური გამოცემა Calciomercato-ს ცნობით, იუვენტუსსა და ჯოშუა ზირკზეეს შორის პირადი კონტრაქტის თაობაზე სიტყვიერი შეთანხმება უკვე არსებობს.

წყაროს ინფორმაციით, ზირკზეეს პრიორიტეტი უახლოეს პერიოდში მანჩესტერის დატოვება, იტალიაში დაბრუნება და ტიაგო მოტას გუნდში თამაშია.

პრობლემა კვლავ მანჩესტერის პოზიციაა, ინგლისელები მას იჯარით მხოლოდ იმ შემთხვევაში გაუშვებენ, თუ სეზონის ბოლოს ნიდერლანდელის 35-40 მილიონად გამოსყიდვა სავალდებულო იქნება.