მოტა:“ მნიშვნელოვანი გამარჯვება, ახლა ფიქრი მომდევნო მატჩზე უნდა დავიწყოთ“
იუვენტუსის მთავარმა მწვრთნელმა ტიაგო მოტამ უდინეზესთან მატჩის შემდეგ კომენტარი გააკეთა.
„ეს ძალიან მნიშვნელოვანი, გუნდური გამარჯვება იყო, გუნდი მოედანზე საჭირო მოტივაციითა და მონდომებით გავიდა, რამაც საქმე გაგვიმარტივა.
„პირველ ტაიმში უდინეზე მეტს სივრცეს გვაძლევდა და კიდევ უფრო მეტი გოლის გატანა შეგვეძლო, მეორე ნახევარი უფრო დაბალანსებული გამოვიდა, რაც გასაკვირი არ არის. უდინეზე ძალიან კარგი გუნდია, მათ ამ სეზონში სახლში მხოლოდ ინტერის წინააღმდეგ წააგეს, თუმცა საბოლოო ჯამში ჩვენ დამსახურებულად გავიმარჯვეთ.
„ილდისი ცრუ ცხრიანის პოზიციაზე ? დღეს ვლაჰოვიჩმა ძალიან კარგად ითამაშა, ის გუნდს მოედნის ორივე ნახევარზე ეხმარებოდა. ილდისს რაც შეეხება, მას ამ პოზიციაზე თამაში შეუძლია, თუმცა ვლაჰოვიჩისგან გასხვავებულ მახასიათებლებს გვთავაზობს. ის უფრო სწრაფია და სივრცეების არსებობის შემთხვევაში მეტოქისთვის პრობლემების შექმნა შეუძლია.
„ზამთრის სატრანსფერო ფანჯარა ? როდესაც ამის დრო მოვა, ჩვენ გადაწყვეტილებას ერთად მივიღებთ, ახლა ჩემი ერთადერთი საფიქრალი მომდევნო შეხვედრაა. ლილი ძალიან კარგი გუნდია, წინ რთული დაპირისპირება გველოდება და ამ მატჩისთვის მზად უნდა ვიყოთ.
„ტურამი ? მას უნიკალური მახასიათებლები აქვს, მას დაცვით ხაზში თავისი ფიზიკურობის გამოყენება შეუძლია, ამის გარდა კი შეტევაშიც ძალიან პროდუქტიულია. დღეს როგორც მან, ასევე მთლიანად გუნდმა კარგად ითამაშა.
„კოპმეიენრსი ? მე მისი შეცვლა მსურდა, მაგრამ ტეუნი თავს კარგად გრძნობდა და მისი დატოვება გადავწყვიტე. ის შესანიშნავი ფეხბურთელია, გუნდისთვის ძალიან მნიშვნლეოვანი და მოხარული ვარ, რომ ტეუნი მოედანზე დაბრუნდა. გაცუდებული მომენტი ? გოლი აუცილებლად იქნება.“
