მოტა:“ შედეგის გამო იმედგაცრუებულები ვართ“
იუვენტუსის მთავარმა მწვრთნელმა ტიაგო მოტამ პარმასთან მატჩი შეაფასა.
„ჩვენ ბევრი საგოლე მომენტი შევქმენით, თუმცა იმავეს გაკეთების საშუალება მეტოქესაც მივეცით. მატჩის გარკვეულ მომენტებში კარგები ვიყავით, თუმცა იყო ეპიზოდები, როდესაც გაცილებით უკეთ თამაში გვმართებდა.
„ჩვენ კიდევ უფრო მეტი მომენტი უნდა შევქმნათ, რაც მეტოქე გუნდზე წნეხს გაზრდის და მათ ჩვენს კარებთან მომენტების ასე თავისუფლად შექმნა არ შეეძლებათ. დღეს ჩვენი მიზანი ფრე არ იყო, ამიტომ შედეგის გამო იმედგაცრუებულები ვართ.
„კოპმეინერსი ? ის ჩვენთვის მნიშვნლეოვანი ფეხბურთელია და მისი დაბრუნება პოზიტივია, მაგრამ ჩვენ კოლექტიური ბალანსი უნდა შევინარჩუნოთ და ჩვენი იდეებით თამაში გავაგრძელოთ იმის მიუხედავად, თუ ვინ არის მოედანზე.
„ილდისი ? კენანი შედარებით გახსნილ თამაშში შეუდარებელია, მან ეს ინტერთანაც დაამტკიცა.
„ვეა ? მას როგორც სან სიროზე, ასევე დღეს ძალიან კარგი მატჩი ჰქონდა.“
