ბრემერმა შესაძლოა საკლუბო მუნდიალზე თამაში შეძლოს

გლეისონ ბრემერის ოპერაციამ, რომელიც მან საფრანგეთში ჩაიტარა, წარმატებით ჩაიარა და ბრაზილიელი სარეაბილიტაციო პროცესს უკვე შეუდგა.

Corriere dello Sport-ის ინფორმაციით, ბრემერის მოედანზე ხილვა მიმდინარე სეზონში რთულად წარმოსადგენია, მაგრამ არის შანსი, რომ მან საკლუბო მსოფლიო ჩემპიონატზე ითამაშოს.

საკლუბო მუნდიალი ამერიკის შეერთებულ შტატებში 15 ივნისს აიღებს სტარტს და თუ ყველაფერი გეგმის მიხედვით წარიმართა, ბრემერი იმ დროისთვის სათამაშოდ მზად იქნება.