მილიკი იუვენტუსში რჩება
არკადიუშ მილიკი მომდევნო სეზონში ტურინული გრანდის რიგებში დარჩება და ვიცე-ვლაჰოვიჩის ამპლუას მოირგებს.
ჯოვანი ალბანეზეს ინფორმაციით, თუ ტურინულმა გრანდმა მომდევნო დღეებში პოლონელის სანაცვლოდ მნიშვნელოვანი წინადადება არ მიიღო, არკადიუშის იუვენტუსიდან წასვლა არ იგეგმება.
წყაროს ცნობით, ტიაგო მოტა მილიკის შენარჩუნების წინააღმდეგი არ არის, ამიტომ კრისტიანო ჯუნტოლი აქცენტს სხვა პოზიციების გაძლიერებაზე გააკეთებს.
