სპალეტი:“ შანსები უკეთ უნდა გამოვიყენოთ“            

იტალიის ნაკრების მთავარმა მწვრთნელმა ლუჩიანო სპალეტიმ ალბანეთთან მატჩის შემდეგ კომენტარი გააკეთა.

„ჩვენ ბევრ ასპექტში პოზიტიური თამაში ვაჩვენეთ, მაგრამ ამ პოზიტიურმა ქმედებებმა შედეგი უნდა მოგვიტანოს, წინააღმდეგ შემთხვევაში წინსვლა გაგვიჭირდება.

„ჩვენ შევქმენით ძალიან ბევრი საგოლე მომენტი, თუმცა მათ გამოყენებას ვერ ვახერხებდით და შეხვედრის მიწურულს იყო შანსი, დამსახურებული გამარჯვება ხელიდან გაგვეშვა.

„არის თუ არა გუნდი დამოკიდებულ იბარელაზე ? ნაკრები ერთ ფეხბურთელზე დამოკიდებული არასოდეს არ უნდა იყოს, ჩვენს რიგებში 26 ძალიან ძლიერი ფეხბურთელი თამაშობს და ერთი მათგანის გამოკლებამ გუნდის თამაშს დაღი არ უნდა დაასვას.“