ბუფონი ნაკრებში რჩება და მისი გავლენა კიდევ უფრო გაიზრდება

ევროპის ჩემპიონატზე იტალიის ნაკრების ფიასკოს შემდეგ, გუნდიდან ჯიჯი ბუფონის წასვლის შესახებ აქტიურად იწერებოდა, თუმცა გაბრიელე გრავინამ ლეგენდარული იტალიელის დარწმუნება შეძლო და ის ნაკრებში დარჩება.

იტალიური წყაროების ცნობით, ბუფონი, ვინც აქამდე აძურის დელეგაციის ხელმძღვანელი იყო, იტალიის ნაკრების სპორტული დირექტორი იქნება და ის როგორც მთავარი ნაკრების, ასევე ახალგაზრდული სექტორის ზედამხედველი გახდება.

ბუფონი იტალიის ნაკრებში მინიმუმ 2026 წლის მსოფლიო ჩემპიონატის დასრულებამდე დარჩება.