იუვენტუსმა ვეიგასგან ტრანსფერზე თანხმობა მიიღო

იუვენტუსი რენატუ ვეიგას ტრანსფერზე მუშაობას აგრძელებს და ალფრედო პედულას ცნობით, ტურინულმა გრანდმა პორტუგალიელისგან ტრანსფერზე თანხმობა მიიღო.

წყაროს ცნობით, 21 წლის მცველის მიმართ ინტერესს რამდენიმე გუნდი იჩენს, თუმცა პორტუგალიელის პრიორიტეტი კარიერის იუვენტუსში გაგრძელებაა.

მოლაპარაკებები გრძელდება გუნდებს შორისაც, მხარეები ისეთი ფორმულის პოვნას ცდილობენ, რომელიც ორივე გუნდს დააკმაყოფილებს.